Filastrocca senza senzu:
(per Lorenzo Caiolo)



Agghiu vistu allu comuni
ca ppinnuta alli balcuni
sta' na granni fotografia
ca m' datu malincunia.
Eti n'amicu provessori
ca p tutti datu lu cori
e mu' s'n' vulatu ncielu
ca successu nu sfacelu.
M' vinuta p Lorenzu
na filastrocca senza senzu:
"Buon viaggiu provessori
c'ha mparatu la cultura
cu pacienza e tant'amori
int'la scola o la ghjusura
e doppu l'arvulu t'aula
ha purtatu li scolari
cu si mparunu la poesa
puru a casa ti Rodari.
Ha nvintatu la "Taricata"
ca ni sona la tarantella
e ca ni faci na cantata
cu la pizzaca cchi bella.
Ha nvintatu l'ambulanza
ca soccorre lu feritu,
l'ha chiamata "Fratellanza"
e ti ringrazia Santu Vitu.
Tanta sciuechi ha nvintatu
cu si divertunu li vagnuni,
cientu ponti ha criatu
p ccucchia' li popolaziuni".
Sta filastrocca senza senzu
l'agghiu scritta p Lorenzu
ma ci nu senzu vui lu truvati
l'opera sova... no la fermati.
:) franc


Franc Locorotondo