Filastrocca senza senzu:
(per Lorenzo Caiolo)



Agghiu vistu allu comuni
ca ppinnuta alli balcuni
sta' na granni fotografia
ca m'è datu malincunia.
Eti n'amicu provessori
ca pì tutti è datu lu cori
e mu' s'n'è vulatu ncielu
ca è successu nu sfacelu.
M'è vinuta pì Lorenzu
na filastrocca senza senzu:
"Buon viaggiu provessori
c'ha mparatu la cultura
cu pacienza e tant'amori
int'la scola o la ghjusura
e doppu l'arvulu t'aulìa
ha purtatu li scolari
cu si mparunu la poesìa
puru a casa ti Rodari.
Ha nvintatu la "Taricata"
ca ni sona la tarantella
e ca ni faci na cantata
cu la pizzaca cchiù bella.
Ha nvintatu l'ambulanza
ca soccorre lu feritu,
l'ha chiamata "Fratellanza"
e ti ringrazia Santu Vitu.
Tanta sciuechi ha nvintatu
cu si divertunu li vagnuni,
cientu ponti ha criatu
pì ccucchia' li popolaziuni".
Sta filastrocca senza senzu
l'agghiu scritta pì Lorenzu
ma ci nu senzu vui lu truvati
l'opera sova... no la fermati.
:) francè


Francè Locorotondo